sport

Америкийн Нэгдсэн Улсын Үндэсний Сагсан Бөмбөгийн холбооны Boston Celtics багийн хамгаалан тоглогч Walter Ray Allen 1975 оны 7 сарын 20-нд Америкийн Калифорниа мужийн Мерсэд хотод төржээ. Түүний спортын замнал дахь ололт амжилтууд нь түүнийг нэр алдарт хүргэсэн юм. Тэр Үндэсний сагсан бөмбөгийн холбооны (NBA) Milwaukee Bucks, Seattle Supersonics, Boston Celtics багуудад хүчин зүтгэж байлаа. Тэр NBA-ийн 10 удаагийн бүх одод тоглогч бөгөөд АНУ-н сагсан бөмбөгийн шигшээ багт дуудагдаж шигшээ багийн хамт 2000 оны Австралийн Сидней олимпоос алтан медаль хүртсэн. 1998 онд тэр холливудын нэрт жүжигчин Denzel Washington-ны хамт кинонд дүр бүтээсэн ба түүний тоглосон кино нь тухайн үедээ box office-г тэргүүлж байжээ. Тэр 2011 оны 2 сарын 11-нд NBA-ийн бүх цаг үеийн түүхэнд холын зайн шидэлтийг хамгийн олон удаа оновчтой шидсэн (2562) буюу холын зайн шидэлтээр хамгийн их оноо авсан (7686) тоглогч болж NBA-ийн бас нэгэн рекорд амжилтыг эзэмших болсон юм. Түүний өмнө алдарт Reggie Miller холын зайнаас 2560 удаа амжилттай довтолсон байсан ба түүний 18 улиралд тогтоосон энэхүү амжилтыг Ray Allen 15 улиралд шинэчилсэн юм.